Built in Christ

నా ప్రియ స్నేహితులారా, నేడు మన మధ్యలో దేవుని మందిరమును అనగా, ఆయన సన్నిధిని ఉంచాలని మన పట్ల కోరుచున్నాడు. నేడు ఈ సందేశము చదువుచున్న మీ మధ్య దేవుడు తన మందిరమును ఉంచి మిమ్మల్ని నడిపిస్తాడు. కాబట్టి, నేడు బైబిల్ నుండి దేవుని వాక్యంగా లేవీయకాండము 26:11వ వచనమును మీతో పంచుకోవడము నాకు చాలా ఆనందాన్ని కలిగిస్తుంది. ఆ వచనమేమనగా, " నా మందిరమును మీ మధ్య ఉంచెదను; మీ యందు నా మనస్సు అసహ్యపడదు '' అన్న వచనము యెహోవా ఇశ్రాయేలీయులకు ఇచ్చిన వాగ్దానం ఇది. దేవుడు తన ప్రజలలో నివసిస్తున్నందున, వారు వారి కోసం పోరాడుతున్నందున వారికి ఎటువంటి హాని జరగదని వారు దేవుని వాగ్దానాన్ని పొందుకున్నారు. అవును, నా ప్రియ స్నేహితులారా,ఈ వాగ్దానం ఇశ్రాయేలీయులకు మాత్రమే కాదు, ఈ వాగ్దానం ఇప్పుడు మీ కోసం. దేవుడు ఇప్పుడు మీలో నివసిస్తున్నాడు. అందుకే బైబిలేమంటుందో చూడండి, 2 కొరింథీయులకు 6:16 వ వచనములో మనం పై వాక్యమునే చూస్తున్నాము. ఎందుకంటే, " దేవుని ఆలయమునకు విగ్రహములతో ఏమిపొందిక? మనము జీవముగల దేవుని ఆలయమై యున్నాము; అందుకు దేవుడీలాగు సెలవిచ్చుచున్నాడు. నేను వారిలో నివసించి సంచరింతును, నేను వారి దేవుడనై యుందును వారు నా ప్రజలైయుందురు '' అన్న వచనము ప్రకారము నేడు దేవుడు మన మధ్యలో నివసించి, సంచరించాలని మీ పట్ల కోరుచున్నాడు. కాబట్టి, ధైర్యముగా ఉండండి.

నా ప్రియులారా, మనం దేవుని ఆలయం, ఆయన మనలో నివసిస్తాడు. మన హృదయాలలో జీవించే దేవుడుగా యేసుప్రభువుగా మన మధ్యలో సజీవంగా జీవించుచున్నాడు. ఈ రోజు, నేడు ఈ సందేశము చదువుచున్న మీరు ఆలోచిస్తూ ఉండవచ్చును, ఓహ్! ఇంత గొప్ప విశ్వంను సృష్టించిన గొప్ప దేవుడు నా గురించి ఎందుకు ఆలోచిస్తాడు మరియు నన్ను ఎలా గుర్తుంచుకుంటాడు? ఆయనకు ఇంకా ఎన్నో పనులు ఉంటాయి, అయితే, ఆయన నా ప్రార్థనలను కూడా వింటాడా? అని తలంచుచుండవచ్చును. కానీ, నా స్నేహితులారా, నేడు ఈ సందేశము చదువుచున్న మీరు యేసును విశ్వసించినప్పుడు, మీరు దేవుని ఆలయంగా మార్చబడెదరు మరియు సజీవముగల ప్రభువైన యేసుక్రీస్తుఈ రోజు మీలో నివసిస్తాడు. బైబిలు ఇలా చెబుతోంది, " ఆయనలో మీరు కూడ ఆత్మ మూలముగా దేవునికి నివాస స్థలమై యుండుటకు కట్టబడుచున్నారు '' (ఎఫెసీయులకు 2:22) అన్న వచనము ప్రకారము మీరు దేవునికి నివాస స్థలమై యుండునట్లు కట్టబడుచున్నారని వాక్యము స్పష్టముగా తెలియజేయుచున్నది. కాబట్టి, దేనిని నిమిత్తము భయపడకండి.