Loading...
அதிகமான கிருபை
நீங்கள் பாவங்களை அறிக்கைசெய்து அவற்றை விட்டுவிட்டால் தேவன் உங்கள்மேல் கிருபையாயிருப்பார். இன்றே அவற்றை அறிக்கை செய்து விட்டுவிட முயற்சி செய்யுங்கள். அப்போது நீங்கள் ஜெயம்பெறுவீர்கள்.
தேவன் கொடுத்துள்ள அதிகாரம்
ராஜாதி ராஜாவாகிய இயேசு, செழித்தோங்குவதற்கான அதிகாரத்தை உங்களுக்குக் கொடுத்துள்ளார். ஆகவே, எழும்புங்கள். அவர் ஏற்கனவே எல்லா உபத்திரவங்களின் வழியாகவும் கடந்துசென்று அவற்றின்மேல் சிலுவையில் வெற்றி சிறந்து, உயிரோடு எழும்பியுள்ளார்; ஆகவே, நீங்களும் பிழைத்திருப்பீர்கள்.
தேவனுடைய தயை முன் செல்லும்
தேவனுடைய தயை இன்றைக்கு உங்கள் முன்னாலே செல்லும். தேவனுடைய ஆசீர்வாதங்கள் உங்களுக்கு முன் சென்று உங்களை வழிநடத்துவதை நீங்கள் அனுபவிப்பீர்கள்.
சத்தியம் உங்களை விடுதலையாக்கும்
இயேசு கிறிஸ்துவே சத்தியமாக இருக்கிறார். நீங்கள் அவரிடமாய் திரும்பும்போது அவர் உங்களுக்காக யாவற்றையும் செய்து முடிப்பார். தோல்வியிலிருந்தும் மரணத்திலிருந்தும் உங்களை அவர் எழுப்புவார். இயேசு பிழைத்திருக்கிறபடியினால் நீங்களும் பிழைத்திருப்பீர்கள். தாமே சத்தியமாக இருக்கின்ற இயேசு உங்களை இன்றைக்கு விடுதலையாக்குவார்.
தேவ ஒத்தாசையால் ஜெயம் பெறுங்கள்
கர்த்தருடைய நாமம் வல்லமை மிக்கது. அதைக் கொண்டு நீங்கள் எதையும் ஜெயிக்க முடியும். கர்த்தர், எல்லா ஆபத்திலிருந்தும் உங்களைக் காக்கும் மேய்ப்பனாக இருக்கிறார். ஆகவே எதைக்குறித்தும் பயப்படாமல், தைரியமாயிருங்கள்.
கையிடும் எல்லாவற்றிலும் கர்த்தரின் கரம்
வாழ்க்கையின் எல்லா நிலையிலும் தேவன் உங்களுடனே இருப்பார். அவர் உங்களை தாங்கி, நீங்கள் தீர்மானங்களை செய்யும்போது உங்களை கரம்பிடித்து வழிநடத்துவார். ஆகவே, ஒருபோதும் மனந்தளராதிருங்கள்; உங்களோடு கூட இருக்கும்படி அவரிடம் கேளுங்கள்.
அதிசயமான காரியங்களை காண்பீர்கள்
தேவன் உங்கள் வாழ்வில் மகத்தான அதிசயங்களைக் காண்பிப்பார். நீங்கள் எதிர்பார்ப்பதற்கு மேலானதும் உங்கள் வாழ்வை மாற்றியமைக்கக்கூடியதுமான அதிசயங்களை ஆண்டவர் காண்பிப்பார். நீங்கள் அவரை விசுவாசித்து ஸ்தோத்திரியுங்கள்.
நிலையான மனம்
ஆண்டவராகிய இயேசு, யார் யாருடைய மனங்களெல்லாம் தம்மை உறுதியாய்ப் பற்றிக்கொள்கின்றன என கண்ணோக்கி, அவர்களுக்கு பூரண சமாதானத்தையும், தேவையானவை எல்லாவற்றையும் கொடுப்பதால் அவர் மீதே நம்பிக்கை வைக்கக்கடவோம்.
எந்தச் சூழ்நிலையையும் மேற்கொள்வீர்கள்
எல்லா சூழ்நிலைகளிலும் தேவன் உங்களோடிருப்பார். நீங்கள் எல்லா தடைகளையும் மேற்கொள்வீர்கள்; கொந்தளிக்கும் தண்ணீர்மேல் நடப்பீர்கள். அவருடைய கிருபை ஒருபோதும் உங்களைவிட்டு விலகாது.
உயர்தலங்களில் உலாவுவீர்கள்
நீங்கள் இக்கட்டில் இருப்பதை தேவன் கண்ணோக்கி, ஆழமான தண்ணீர்களிலிருந்து உங்களை தூக்கிவிட எண்ணுகிறார். நீங்கள் செல்லுமிடமெல்லாம் அவர் செவ்வையான பாதையை ஏற்படுத்தி, அதன் வழியாய் உங்களை நடத்துவார்.
