Loading...
Paul Dhinakaran

അളവറ്റ അനുഗ്രഹങ്ങൾ!!

Dr. Paul Dhinakaran
23 Feb

എന്റെ വിലയേറിയ സുഹൃത്തേ, ദൈവം നിങ്ങളെ പൂർണ്ണഹൃദയത്തോടെ അനുഗ്രഹിക്കട്ടെ. ഈ ദിവസത്തെ വാഗ്ദാന വചനം പുറപ്പാട് 23:25. “നിങ്ങളുടെ ദൈവമായ യഹോവയെ തന്നേ സേവിപ്പിൻ; എന്നാൽ അവൻ നിന്റെ അപ്പത്തെയും വെള്ളത്തെയും അനുഗ്രഹിക്കും; ഞാൻ രോഗങ്ങളെ നിന്റെ നടുവിൽനിന്നു അകറ്റിക്കളയും.” നാം അവനെ മാത്രം സേവിക്കണമെന്നാണ് കർത്താവ് ആഗ്രഹിക്കുന്നത്. പലപ്പോഴും, ഈ ലോകത്തിലെ ഭാരങ്ങൾ, പ്രശ്നങ്ങൾ, ബലഹീനത, ഈ ലോകത്തിലെ പാപങ്ങൾ, ഈ ലോകത്തിന്റെ അനീതി, ഈ ലോകത്തിന്റെ വഞ്ചന എന്നിവ വളരെ വലുതായിത്തീരുന്നു. ഇവയെല്ലാം കാരണം, നമുക്ക് ദൈവത്തിലേക്ക് നോക്കാൻ കഴിയാതെപോകുന്നു. എന്നിരുന്നാലും, വേദപുസ്തകം പറയുന്നു: “മുമ്പെ അവന്റെ രാജ്യവും നീതിയും അന്വേഷിപ്പിൻ; അതോടുകൂടെ ഇതൊക്കെയും നിങ്ങൾക്കു കിട്ടും.”

ദൈവരാജ്യം എന്താണ്? അത് നീതിയാണ്, ദൈവത്തിന്റെ നീതി. അത് സമാധാനമാണ് - സകലബുദ്ധിയെയും കവിയുന്ന സമാധാനം. യേശുവിനു മാത്രമേ അത് നൽകുവാൻ കഴിയൂ. ലോകത്തിന് നൽകുവാൻ കഴിയുകയില്ല. അത് സന്തോഷമാണ് - ദൈവത്തിന് എന്തും സാധ്യമാണെന്ന് പറയുന്ന പരിശുദ്ധാത്മാവിന്റെ സന്തോഷം. നിങ്ങൾ ദൈവത്തിന്റെ പൈതലായായതിനാൽ, അവൻ നിങ്ങൾക്കായി അത്ഭുതങ്ങൾ പ്രവർത്തിക്കുകയും പരിശുദ്ധാത്മാവിനാൽ നിങ്ങൾക്ക് സന്തോഷം നൽകുകയും ചെയ്യും. ഈ കാരണങ്ങളാലാണ് നിങ്ങൾ അവനെ സേവിക്കണമെന്ന് ദൈവം ആഗ്രഹിക്കുന്നത്, അങ്ങനെ അവൻ നിങ്ങളുടെ അപ്പത്തെയും വെള്ളത്തെയും അനുഗ്രഹിക്കുകയും നിങ്ങളെ വർദ്ധിപ്പിക്കുകയും ചെയ്യും. അതിനാൽ, ഇന്ന് അവനിലേക്ക് ശ്രദ്ധ തിരിക്കുക.

ആവർത്തനം 7:13 പറയുന്നു “അവൻ നിന്നെ സ്നേഹിച്ചു അനുഗ്രഹിച്ചു വർദ്ധിപ്പിക്കും.” യേശു അഞ്ച് അപ്പത്തെയും രണ്ട് ചെറിയ മീനുകളെയും അനുഗ്രഹിക്കുകയും അതിനെ വർദ്ധിപ്പിക്കുകയും ജനങ്ങൾക്ക് നൽകുകയും ചെയ്തതെങ്ങനെയെന്ന് വേദപുസ്തകത്തിൽ നാം വായിക്കുന്നു (യോഹന്നാൻ 6). ഇന്ന്, അവൻ നിങ്ങളുടെ ജീവിതത്തിൽ അത് ചെയ്യുവാൻ പോകുന്നു. നിങ്ങൾക്ക് ചെറിയ സമ്പാദ്യം, ചെറിയ സന്തോഷം, ചെറിയ ബന്ധം എന്നിവ മാത്രമേയുള്ളൂവെന്ന് നിങ്ങൾ പറഞ്ഞേക്കാം; എന്നാൽ ദൈവം അതിനെ അനുഗ്രഹിക്കുകയും വർദ്ധിപ്പിക്കുകയും ചെയ്യും. ഇന്ന്, ഈ വാഗ്ദാനം സാക്ഷാത്കരിക്കും. എല്ലാം പെരുകുവാൻ പോകുന്നു. സാരേഫാത്തിലെ വിധവയ്ക്ക് സംഭവിച്ചത് ഇതാണ്. അവളുടെ പക്കൽ കുറച്ച് എണ്ണയും അൽപം മാവും മാത്രമേ ശേഷിച്ചുള്ളൂ, പക്ഷേ അവൾ അത് ദൈവദാസനായ ഏലിയാവിന് നൽകി. ദൈവം അവൾക്കുണ്ടായിരുന്ന കുറച്ച് എണ്ണയും അൽപം മാവും വർദ്ധിപ്പിക്കുകയും ക്ഷാമം അവസാനിക്കുന്നതുവരെ അവളെ പോഷിക്കുകയും ചെയ്തു. ദൈവം അവൾക്ക് നീതി നൽകിയതുപോലെ, അവൻ നിങ്ങൾക്കു വേണ്ടിയും ചെയ്യും. ദൈവം നിങ്ങളെ അനുഗ്രഹിക്കും. നിങ്ങൾക്ക് കഷ്ടതയുടെ അപ്പം നൽകണമെന്ന് ലോകം പറഞ്ഞേക്കാം, എന്നാൽ നിങ്ങൾക്ക് ധാരാളം അനുഗ്രഹങ്ങൾ നൽകുമെന്നും രോഗത്തെ നിങ്ങളിൽ നിന്ന് അകറ്റിനിർത്തുമെന്നും  പാപം മൂലമുണ്ടാകുന്ന രോഗം, ഈ ലോകത്തിലെ രോഗാണുക്കൾ, രോഗങ്ങൾ, ലോകത്തിന്റെ, അല്ലെങ്കിൽ ലോകത്തിലെ ദുഷ്ടന്മാരുടെ സ്വാധീനങ്ങൾ എന്നിവയിൽനിന്നെല്ലാം നിങ്ങളെ വിടുവിക്കുമെന്ന് കർത്താവ് പറയുന്നു. അതെ, കർത്താവ് തീർച്ചയായും അത് ചെയ്യും.
Prayer:
സ്നേഹവാനായ സ്വർഗ്ഗീയ പിതാവേ,

എന്റെ ജീവിതത്തിൽ ഈ വാഗ്ദാനം നിറവേറ്റേണമേ. അങ്ങയുടെ സ്നേഹം എന്നെ ആലിംഗനം ചെയ്യട്ടെ. കർത്താവേ, ഈ ലോകത്തിൽ അങ്ങല്ലാതെ എനിക്ക് മറ്റാരുമില്ല. അങ്ങയുടെ പൈതലായ എന്നെ അനുഗ്രഹിക്കേണമേ. എനിക്ക് ധാരാളം അനുഗ്രഹങ്ങൾ നൽകേണമേ. എന്നിൽ നിന്ന് രോഗങ്ങൾ അകറ്റേണമേ. എന്റെ ജീവിതത്തിൽ സന്തോഷം നൽകേണമേ.

എന്റെ കർത്താവായ യേശുവിന്റെ നാമത്തിൽ അപേക്ഷിക്കുന്നു.

ആമേൻ.

For Prayer Help (24x7) - 044 45 999 000