God's Voice Is Prophetic

പ്രിയ സ്‌നേഹിതാ, ഇന്നത്തെ വാഗ്ദത്തം ഇയ്യോബ് 37:5-ൽ നിന്നും എടുത്തിരിക്കുന്നു. ''ദൈവം തന്റെ നാദം അതിശയമായി മുഴക്കുന്നു; നമുക്കു ഗ്രഹിച്ചുകൂടാത്ത മഹാകാര്യങ്ങളെ ചെയ്യുന്നു.'' ഇന്നും, നിങ്ങളുടെ ജീവിതത്തിൽ എന്തെങ്കിലും കാര്യം ചെയ്യാൻ താൻ പദ്ധതിയിട്ടിരിക്കുന്നു എന്ന ദൈവശബ്ദം നിങ്ങളുടെ ഹൃദയത്തിൽ മുഴങ്ങുമെന്ന് ഞാൻ വിശ്വസിക്കുന്നു. ദൈവം നിങ്ങൾക്കായി വൻകാര്യങ്ങൾ കരുതിയിരിക്കുന്നു എന്നുള്ള പ്രവചനം ശബ്ദം നിങ്ങൾ പ്രാപിച്ചിട്ടുണ്ടാകാം. അല്ലെങ്കിൽ, ദൈവത്തിൽ നിന്നും ഒരു നടത്തിപ്പ് ലഭിച്ചിട്ടുണ്ടാകാം. നിങ്ങളുടെ ബുദ്ധിക്കുമുപരിയായി നിങ്ങളുടെ ജീവിതത്തിൽ വൻകാര്യങ്ങൾ ചെയ്യുമെന്ന് കർത്താവ് പറയുന്നു.

അത് പ്രാപിക്കുക, അതിലേക്ക് പ്രവേശിക്കുക. എന്റെ പിതാമഹന്റെ അടക്കശുശ്രൂഷയുടെ സമയത്ത് എന്റെ പിതാവ് എനിക്കുവേണ്ടി പ്രാർത്ഥിച്ചപ്പോൾ ഇപ്രകാരം പറഞ്ഞു: ''ഡോ. ഡി.ജി.എസ്സ്്. ദിനകരന്റെ മേലുണ്ടായിരുന്ന അഭിഷേകം അതേയളവിൽ സാമുവലിനെ നിറയ്ക്കട്ടെ.'' ''ഈ ശ്രേഷ്ഠ ദൈവമനുഷ്യൻ ചെയ്തതുപോലെ ഞാൻ എന്താണ് ചെയ്യാൻ പോകുന്നത്?'' എന്ന് ഞാൻ ചിന്തിച്ച് ആശ്ചര്യപ്പെട്ടു. എന്നാൽ അത്ഭുതകരമായി ദൈവം എന്നെ പടിപടിയായി ഉപയോഗിക്കാൻ തുടങ്ങി. ഇന്ന് ജനങ്ങൾ എന്റെയടുക്കൽ വരുമ്പോൾ, ''സാം, നിങ്ങൾ പാടുമ്പോഴും പ്രസംഗിക്കുമ്പോഴും നിങ്ങളുടെ പിതാമഹനെ ശ്രവിക്കുന്നതുപോലെ ഞങ്ങൾക്ക് അനുഭവപ്പെടുന്നു. അതേ ദൈവസാന്നിദ്ധ്യം ഞങ്ങൾക്ക് ലഭിക്കുന്നു'' എന്ന് പറയാറുണ്ട്.