ദൈവത്തിന്റെ അനുഗൃഹീതമായ കരം നിങ്ങളുടെ മേൽ വരും. നിങ്ങൾ നീതിയുടെ ഫലം പുറപ്പെടുവിക്കും! പ്രാർത്ഥനയിൽ നിങ്ങൾ ദൈവത്തോട് യാചിക്കുന്നതെന്തും നിങ്ങൾക്ക് ലഭിക്കും.
നിങ്ങൾ ദൈവത്തിന്റെ വിലയേറിയ മക്കളാണ്. നിങ്ങൾ ദൈവത്തിന്റെ അവകാശമാണ്! ദൈവത്തിനുള്ളതെല്ലാം നിങ്ങളുടേതാണ്. കാരണം ദൈവം ഒരുനാളും തന്റെ അവകാശത്തെ ഉപേക്ഷിക്കുന്നവനല്ല.
വിശ്വസ്ത മാനസരെ ദൈവം സ്‌നേഹിക്കുന്നു! പൂർണ്ണഹൃദയത്തോടെ നിങ്ങൾ ദൈവത്തെ അന്വേഷിക്കുമെങ്കിൽ അവിടുന്ന് നിങ്ങളുടെ ഉത്തമസ്‌നേഹിതനായിരുന്ന് നിങ്ങളെ അനുഗ്രഹിക്കും.
കർത്താവ് നിങ്ങൾക്കായി എല്ലാം കരുതിയിച്ചിരിക്കുന്നു. നിങ്ങൾ അവങ്കൽ അഭയം പ്രാപിക്കുക. അവിടുന്ന് തന്റെ നന്മയാൽ നിങ്ങളെ നിറയ്ക്കും.
ദൈവം നിങ്ങളിൽ പ്രവർത്തിക്കുന്നു! ദൈവത്തിന്റെ ഉദ്ദേശ്യമനുസരിച്ച് നിങ്ങൾക്ക് ഒരു ആഗ്രഹവും ആ നല്ല ഉദ്ദേശ്യം നിറവേറ്റാനുള്ള ശക്തിയും ഉണ്ടായിരിക്കുകയും ചെയ്യും.
ദൈവം നിങ്ങളെ രാപ്പകൽ പരിപാലിക്കുകയും, എല്ലാ ദോഷങ്ങളിൽ നിന്നും അപകടങ്ങളിൽ നിന്നും രോഗങ്ങളിൽ നിന്നും നിങ്ങളെ സംരക്ഷിക്കുകയും ചെയ്യുന്നു.
ക്രിസ്തുവിന്റെ സമാധാനം നിങ്ങളുടെ ഹൃദയങ്ങളെയും മനസ്സുകളെയും ഭരിക്കുകയും സംരക്ഷിക്കുകയും ചെയ്യും. നിങ്ങളുടെ ജീവിതത്തിൽ ദൈവത്തിന്റെ സമാധാനപരമായ വഴികളിലൂടെ നിങ്ങൾ നടക്കും.
കർത്താവിലേക്ക് നോക്കി സഹായത്തിനായി നിലവിളിക്കുക. നിങ്ങളുടെ എല്ലാ പ്രശ്‌നങ്ങളിൽ നിന്നും അവിടുന്ന് നിങ്ങളെ വിടുവിക്കും. നിങ്ങൾ ജയാളികളാകും!
നിങ്ങൾ ദൈവത്തോട് പ്രാർത്ഥിക്കുമ്പോഴെല്ലാം, അവിടുന്ന് നിങ്ങളോടു അടുത്ത് വരികയും നിങ്ങളുടെ പ്രവൃത്തിക്കു പ്രതിഫലം നൽകുകയും ചെയ്യും. തക്കസമയത്തു നിങ്ങളുടെ പ്രാർത്ഥനകൾക്ക് അവിടുന്ന് ഉത്തരം നൽകും.
നിറഞ്ഞുകവിയുന്ന അഭിഷേകത്താൽ നിങ്ങളെ നിറയ്ക്കുമെന്ന് ദൈവം വാഗ്ദത്തം ചെയ്യുന്നു. കർത്താവിനോട് ചോദിച്ച് വിശ്വാസത്തോടെ സ്വീകരിക്കുക. നിങ്ങൾ മറ്റുള്ളവർക്ക് ഒരു അനുഗ്രഹമായിരിക്കും.
